Django Apps

ازيكم ؟ لقيت كام ساعة فاضيين فعملت التطبيقات التالية بإستخدام django بتشمل

1- pastebin

لمشاركة الأكواد وفيه هتعرف ازاى تستخدم serving static media
ازاى تستخدم google-code-prettify –بدل من تصديع دماغك ب pygments-
وازاى تستخدم django-tagging

2- djnote
مشابه لموقع ملاحظة لمشاركة الملاحظات والرسائل القصيرة بصورة امنة
http://molahza.com/

3-pyurl

لعمل عناوين مصغرة مثل tinyurl مثلا

تنبيه: ولاواحد منهم بيشمل contrib.auth لأنها ليها تطبيق تانى ان شاء الله

تقدر تحملهم من
http://bitbucket.org/xmonader/djapps/

ان شاء الله دول هستخدمهم فى شرح دروس django للمبتدأين

**سورى لو فى اجزاء من ال templates او فى ملف ال css متكررة ومش تنسو تدعولى فى الإمتحانات 🙂

RegexToolkit for PIDA

السلام عليكم

PIDA بيئة تطوير ممتازة لبايثون مكتوبة ب Python/PyGTK ولها العديد والعديد من ال plugins غير ان مستخدمين vim مش هيحسو بالغربة

على العموم قولو مرحبا ل RegexToolkit فى PIDA

تقدر تحملها من هنا http://bitbucket.org/xmonader/pida-main/

لحين مراجعتها ودمجها مع التطوير الرئيسى

انا موفر وحدة للتعامل مع regexlib.com عشان تتكامل معاها للمرة المليون وواحد :d حد يحب يساهم ؟

هستمر فى المساهمة فيها ان شاء الله وتطوير helloED هيفضل مستمر

وافتكر دايما ان PIDA loves YOU!

prayertime for Python

احم احم صباح الخير

احمد SudaNix عامل شغل جميل فى مشروع المؤذن تقدر تتابعه هنا

http://qt-ar.org/community/viewtopic.php?f=3&t=176

لما حملت السورس جه فى بالى موضوع مواقيت الصلاة لبايثون –مش برنامج ولكن مكتبة اضافية– وياإما اكتب الألجوريثم من الأول ياإما استخدم الكلاسات اللى كتبها احمد وبإستخدام swig الموضوع تم بكل سلاسة وتقدر تستخدمها بايثونيا

تقدر تتابع طريقة الإستخدام على http://programming-fr34ks.net/smf/python/prayertime-for-python

للتحميل

http://programming-fr34ks.net/pfsoft/prayertime1.0.tar.gz

اضافات جديدة ل helloED

النهاردة على الفجر كنت قاعد بذاكر وجت فى دماغى شوية افكار عملتها ل helloED منها

1- اضافة pyconsole فى المنطقة السفلية – ايه رأيكم فى اضافة لروبى ؟–

2- اضافة scribble widget مشابة للموجود فىgeany

3- اضافة ديالوج jumpto (سواء لملف –محتاج اعدل ال entry بإنها تكون مكملة للمسارات– او سطر)

4- اضافة ديالوج wc (ليقوم بنفس عمل wc من سطور وكلمات وحروف)

لسه هيكون فى اضافة مجموعة من الرخص لإضافتها للهيدر زى GPL v3

بإذن الله هحاول اظبط ال vi emulation بعد امتحاناتى

اذا فى احد من مستخدمى textmate وعنده خبرة بايثونية ياريت يراسلنى

بعد تفكير عميق وحوار مريب وكدا يعنى قررت انى الغى فكرة الtabs –هخليها مشابهة للموجودة ب IDLE بإنه يفتح الملف فى نافذة جديدة–

مش هيتم التكامل مع dbus او pyinotify بسبب انى عايزه يكون portable على قد ماقدر وإلا هضطر اكتب كود لويندوز او ربما موديلز اضافية –ولا ايه رأيكم ؟–

اذا فى حد عنده خبرة كويسة ب vte ياريت يراسلنى عشان الترمنال ويدجت done!

دلوقتى عايز اسأل سؤال مين بيستخدم الإكمال التلقائى ؟ هل فى حاجة لل templates ؟

هبدأ فى ال snippets ان شاء الله بعد الإمتحانات

wish me luck

helloED

انهيت تكست اديتور كبديل ل gEdit فى المستقبل حاليا هو بيدعم تصفح الملفات من خلال ويدجت FileBrowser وبيدعم اكواد 70 لغة –اعتمادا على gtksourceview2- تضم بايثون وروبى وهاسكل وسى وجافا وباسكال

بيحوى gregextoolkit –مازالت محتاجه واجهة ل regexlib.com

بعض الأفكار فى عملية ال search/replace اعتمدت عليها من سورس geany و برنامج Edile

#TODO

1- تدعيم ال tabs

2- تكامل مع vte (هل فعلا محتاجينه؟ لأن دايما الواحد بيكون فاتح الترمنال؟)

3- dbus

4- دعم السحب والإلقاء

5- دعم ال snippets

6- محاكاه ل vim

7- تحليل النص –لبايثون–

للتحميل

http://programming-fr34ks.net/pfsoft/helloed/helloed3.tar.gz