أرشيف لـأكتوبر, 2008

عودة PF

Posted: أكتوبر 27, 2008 in General
الوسوم:, , , , , , ,

حمد لله على السلامة :d

النهاردة ببشركم بعودة PF ولكن بشكل جديد وافكار اجدد .. اهتمام اكبر بالسكربتينج والسى وبرمجة لينكس تحديدا

التسجيل مفتوح دائما وبكل تأكيد المواد متاحة للجميع

اعتمدنا على SMF كبديل ممتاز لل IPB

ياريت تبدأو بمشاركتنا فى التصويت المبدأى

Apress Beginning Python 2nd Edition

Posted: أكتوبر 25, 2008 in General
الوسوم:, , ,

انا انهيت قراءة كتاب Apress Beginning Python الإصدار التانى ودا انطباعى عن الكتاب

الكتاب كمقدمة وافى جدا واهم مافيه الجزئية العملية بيبدأ مع القارئ بداية على منحنى سريع ويعتبر اول كتاب يشمل Py3K فى محتواه

مكون من 29 فصل بيتعرض فيهم الكاتب ل

اساسيات بايثون من حيث الvariables, data types, conditions, loops, classes, exceptions, file handling وتعرض طفيف ل ال databases, unittesting, GUI وكتابة ال extensions بال Java/C#

جزئية النتوركينج رائعة خصوصا من خلال المشروعات النهائية

وبعد كدا بيقول بصقل الأجزاء السابقة من خلال عدة مشاريع من بينهم معالجة ملفات XML ، انشاء bulletin board صغير، حفلة شاى :d ، ومشروعى المفضل ال File Sharing ، وتطوير لعبة فى النهاية

كتاب ممتاز لاغنى عنه فى مكتبتك

— ملحوظة اللى عندهم الإصدار الأول يقدرو يحمل السورس كود Apress لأن التكست مش مختلف كتير

كفاية صدعتونا

Posted: أكتوبر 24, 2008 in General
الوسوم:, ,

خلاص بقت موضة اى واحد مش عارف يعمل حاجة مفيدة ولا حتى لاقى حاجة يعملها يعمل حاجة من اتنين يقول الإسلام ويقول اللغة العربية ويعيش اللحظة بقة :d ويعملها نظرية المؤامرة وبتاع كأنه هو بس الوحيد المهتم بالإسلام مثلا ولا باللغة العربية.. لكن هو فى ناس كدا دايما تحب تتصدر فى الحاجات الهايفة وتعمل نفسها حماة الحمى وبتاع من الفراغ يعينى

خبر عاجل: الناس هتتفرج عليك وهتضحك على الأفلام الهندى والكلام الفارغ اللى انت بتعمله دا خصوصا لو عارفين انك من اخر الناس اللى تتكلم فى كدا

الناس دى بتفكرنى بالإخوان اللى ديما بيتحججو بالإسلام “الإسلام هو الحل” يعنى مثلا باقى اهل الأحزاب كفار ؟ الله اعلم بأجندتهم بقة 🙂

شوية شوية وهتلاقى اللى داخلين يفجرو نفسهم فيك

Finding Nemo

Posted: أكتوبر 22, 2008 in General
الوسوم:, , ,

نقلت لإستخدام Netbeans 6.5 من قريب.. اداء ممتاز غير الدعم الإفتراضى ل Groovy/Grails بس مش لقيت Groovy Application فى الإختيارات تحت groovy مش كان في غير grails application

بس لاقيت البوست دا لتوضيح التكامل بين groovy, J2SE applications .. فى كل الأحوال شئ ممتاز جدا

[+]وثيقة صغيرة ل merb من ناحية التستيب وعمل تطبيقhello world

للتحميل اضغط هنا

وانا بتصفح النهاردة لقيت موقع ForumMatrix بيسهلك اختيار انسب forum tool زى bulletin board systems لمواقعك من حيث عرض المميزات المناسبة ليك من خلال wizard او حتى اختيار اى انواع وعمل مقارنة بينهم

Ruby/Qt

Posted: أكتوبر 17, 2008 in Tutorials
الوسوم:, ,

كالعادة الملف قبل التعديل لجزئية تصميم الواجهات من خلال Qt مع Ruby

ياريت اى تعديلات او تصحيحات نتبلغ بيها قبل مايبدأ التجهيز لضمه

طبعا معظم الشرح متجهز للأمثلة.. لو حد عنده وقت ويحب يضيف ال XML, networking, Qt Designer,.. etc ياريت يشاركنا بيهم

للتحميل اضغط هنا

ودى بورت للتوتريل الشهيرة لل Qt

http://www.darshancomputing.com/qt4-qtruby-tutorial/

PollDaddy!

Posted: أكتوبر 16, 2008 in General
الوسوم:, ,

يمكن ناس كتير مش اخدت بالها منها ولكن ضيف استفتاءاتك بكل سهولة بسبب التكامل بين WordPress, PollDaddy

How to Add PollDaddy Polls

Almost Here

Posted: أكتوبر 14, 2008 in General
الوسوم:,

الواحد تواجده قليل الفترة اللى فاتت دى تقريبا مش فى وقت الواحد يعمل فيه اى حاجة سواء انشغال بPF و الكلية و مشاكل حالية وحتى المساهمة فى ارابيان غير الشغل الخارجى

تطوير ارابيان: انا لسه منضم لأرابيان من فترة بسبب تراكم الشغل على مسلم ربنا يعينه وهينضم لينا ناس كمان هخليهم مفاجأة xD

الأيام اللى فاتت كنا بنجهز PF لعودته ودى هيكون ليها بوست تفصيلى ان شاء الله.. بس كل اللى اقدر اقوله ان احمد مصطفى اطحن

الكلية بنفكر فى ندوة عن اللينكس وادوات التطوير زى بايثون وروبى ورايلز للكلية عندنا بس لسه الموضوع مش متكامل الجوانب

ملاحظ شوية سلبية فى الناس بصورة كبيرة يعنى من كام يوم عملت موضوع عن متطوعين لترجمة ومراجعة الدليل الخاص بال framework الرائعة CodeIgniter والموضوع صفى طبعا عليا وان شاء الله هكمله للآخر مع ان كان يكون افضل بكتير ان التركيز مش يكون على شخص واحد بس

مش عارف ايه اللى فكرنى ب iBatis الأيام دى وطلع فى دماغى iBatis for Python ربنا يسامحك ياعمار

فى صفحة جديدة بإسم Plans تم اضافتها عشان اتتبع تحقيقها

كنت هنسى Almost Here