أرشيف لـنوفمبر, 2009

مصرية مصر

Posted: نوفمبر 20, 2009 in General

من فترة كنت ضفت بوست “مصر=تركيا2” وكان بيتكلم عن بعض الأفكار اللى بتراود “بعض” المصريين ناحية العرب

تقدر تراجع البوست هنا

دلوقتى احنا هنتكلم عن “افكار” بقت مؤكدة فى فكر المصريين

نبدأ بسرد بعض الحقائق اللى ذكرها واكدها الإعلام المصرى متمثل فى رجال مجلس الشعب بالإضافة لنجلى الرئيس “جمال” و”علاء” مبارك

1- اولا بندعى ان ربنا يصبر مروة اللى فقع عينها الهمج  ويصبر اهلها
2- قبل الماتش اشترى “العصابة” اقصد المشجعين الجزائريين كمية كبيرة جدا من الأسلحة البيضاء فى السودان
3- سب وشتم اثناء المبارة للاعبين المصريين من اللاعبين
4- بعد انتهاء الماتش بفوز الجزائر تم الإعتداءات بالأسلحة البيضاء على المشجعين المصريين! وتم تكسير الأتوبيسات اللى بتنقلهم دا طبعا غير التحرشات بالمصرييات

توضيحات بخصوص شوية الهمج اللى حضرو الماتش واللى عملو كل المشاكل دى
على لسان “مصطفى بكرى” عضو مجلس الشعب ان دول قوات امن بعتهم بوتفليقة بالإضافة لمساجين فى صورة مشجعين

النقطة المحيرة هى ان الجزائر كانت كسبت فى الماتش! امال لو كانو خسرو كانو عملو ايه ؟؟؟؟؟؟؟ كانو قتلو المصريين ولا ايه ؟ الموضوع اكبر بكتير من ماتش كورة
بخصوص السودان بقة .. اكيد هما كانو فاكرين ان دا ماتش كورة مش حرب شوارع! فخلو الماتش فى بلد بدون امكانيات امنية او خلينا نقول امكانيات “ضعيفة” امنيا مش هتقدر تسيطر على مؤامرة مجهزاها حكومة الجزائر!

طبعا البوست دا كله مش عشان خاطر سواد عيون الجزاير…… لكن عشان الناس تفهم ان مفاهيم زى العروبة والقومية وكل الكلام دا بدون قيمة .. وبيتقابل بكره وضغينة وارهاب فى اول فرصة من “الأشقاء” كتهم نيلة!

يستحسن نفكر فى الموضوع بصورة “مصرية” مصر بعيد عن الدول العربية ولا مجلس شمال اقريقيا.

Advertisements

By the River Piedra I sat Down and Wept

Posted: نوفمبر 16, 2009 in General

ازيكم جميعا ؟

 

انا بحب قراية كتب Paulo Coelho .. فى رأيى من احسن القصصين اللى ممكن حد يقرا ليهم فأخيرا خلصت قصة By the River Piedra I sat Down and Wept بجد قصة رهيبة جدا ، واضح ان العنوان مقتبس من Psalm 137 . بتتناول قصة طالبة جامعية وتغيير كامل فى حياتها بعد لقائها باحد اصدقاء الطفولة.. بجانب الوجه الأنثوى للإله“!

 

طبعا بشكر كل الناس اللى عانو معايا اثناء مراحل قراية القصة زى صوفى وستورم و PRO-DRIVE

 

نرجع للبرمجة بقة

 

انهيت happytweet

بالإضافة ل fork ل Python-Twitter
http://bitbucket.org/xmonader/happy-python-twitter/

 

وتوافق تام لتطبيقات gfiler, pyqfiler مع hjsplit

 

ادعولى فى المدتيرم ^_^