أرشيف لـيناير, 2009

Sleepless

Posted: يناير 31, 2009 in General
الوسوم:, , ,

كنت اتكلمت عن ال Docathon فى بوست سابق ويعنى كان فى تفاعل كويس -بالنسبة لكمية الناس اللى بتتفاعل اصلا :D- على كل حال انا انهيت ترجمة جزئية ال Mono WinForms و GTK# ومستضيفها حاليا على PF لحد ماتكون جاهزة تماما عشان تتنقل اما لموقع zetcode او تتظبط فى وثائق اعجوبة

حاليا سمسم فناننا ومبرمجنا هو اللى اكد على ترجمة The Java Swing Tutorial واكيد هتكون ترجمة تحفة.. انا مستنيها على احر من الجمر ومتوقعين اكتر من البقية

اه نسيت اخدت اجازة الترم الحمد لله عشان اتفرغ شوية لهاسكل وماتلاب wish me luck

احمد مصطفى هياخد الأجازة النهاردة وجاب باور سبلاى اخيرا.. ربنا يستر 😀

Advertisements

Docathon

Posted: يناير 25, 2009 in General
الوسوم:, , ,

الأجازة قربت وفى ناس اخدتها بالفعل

فى البوست دا انا هحدد شوية حاجات فى بالى قابلة للزيادةلإنجازها
بالفعل حاليا انتهى كذا عمل زى ترجمة دروس PyQt4 وترجمة Qt و MySQL C API

من ZetCode
1- ترجمة Mono WinForms Tutorial
2- ترجمة Gtk# Tutorial
3- ترجمة wxPython Tutorial (بدأت اتساءل عن اهميتها حاليا او تكثيف المصادر عن Python/Qt ؟)
4- ترجمة The Java Swing Tutorial
5- ترجمة The GTK+ Tutorial ؟

طبعا هيكون جميل جدا اننا نخلص كل القائمة ولكن بردو لو خلصنا المعظم هيكون كويس
لو حد عايز يضيف حاجة او لو حد هيساهم فى ال Docathon ودا الأهم يكتب بوست

يعنى ايه Docathon بقة ؟
مسابقة محدد بوقت معين لأنهاء توثيقات معينة هنا الترجمة مثلا وليكن على مدار 20 يوم والفرق انها مش فيها حد خسران *_*

ايه اللى هتكسبه من مشاركتك ؟
هتكسب كذا حاجة منها انك عمرك ماهتعرف تترجم وتوصل معلومة انت مش فاهمها فدا هيفيدك من ناحية الفايدة العلمية + الموضوع ممتع جدا دا غير انك هتكسب ثواب

*غيرت الثيم ل The Journalist حاسس انه بسيط ومريح للعين بمناسبة التفاؤل بقرب انتهاء الإمتحانات

*تابع سلسلة البرمجة بإستخدام PyQt للمبتدأين على ArabicFOSS

Give some love back

Posted: يناير 23, 2009 in PF
الوسوم:,

مع نشاط شبه متوقف فى Programming-Fr34ks بسبب الإمتحانات ودا شئ سلبى لأن المفروض ان السايت مش يكون متوقف على 2 او 3 حتى

زى ماقلنا ان كل الموارد الخاصة بالموقع متاحة للتحميل للزوار (يعنى الزائر بيستفيد استفادة 100% من الموقع) مش بنجبر عملية التسجيل ولاإخفاء او اى كلام من الفارغ دا

ازاى اقدر اساعد PF ؟

1- ضيف لينك للموقع فى مدونتك او موقعك

2- عندك خبرة برمجية ؟ فكر دائما فى الكتابة ل PF .. ايه اللى هتكتسبه من كدا؟ هتلاقى مراجعة جيدة وافادة فى نواحى مثل بايثون وروبى والسى وايضا برمجة لينكس فهتستفيد وهتفيد بعكس الكثير من المواقع اللى اكثر الردود فيها مشكور وبارك الله فيك

3- موهوب فى التصاميم والجرافيكس ؟ تقدر تساعدنا فى الناحية الجمالية والتصاميم الخاصة بالموقع

4- تقدر تفتح مشروع برعاية الموقع سواء برمجى (هنساعدك من التخطيط لل implementation) او توثيقى (كتب مثلا.. حاليا PF بيشمل اكبر كتابين عربيين فى بايثون وروبى وبردو مساهمات ل M_SpAwN فى بيرل من اكتر الناس اللى مهتمه بالموقع من البداية-)

تحديث: للمساهمة فى ترجمة موقع لغة روبى للعربية تابع هذا الموضوع لأحمد محمود

ليه بنخاف من الدين؟

Posted: يناير 16, 2009 in General
الوسوم:, , , ,

الإنسان بطبيعته بينقاد ورا الواجهة الكويسة او اللى يتخيل انها كويسة فشعار الدين شعار براق جدا بيجذب حواليه الكثير والكثير من الناس

فى فوبيا من المتدينين لكذا سبب

عدم الثقة فى نيته هو ليه مربى دقنة ؟ هل هو فعلا انسان كويس وملتزم ولا زى غيره ؟_فى كتير بياخدو الدين كستار لنواياهم مثلا شهوة الشهرة او السلطة على مجموعة من الناس او حتى عايز يكسب احترام الناس بشوية ايمان بيعملهم؟_ على الأقل الكافر او الملحد اللى قدامك انت عارف انه رايح شمال رايح شمال لكن مش بيشتغلك ولابيعمل عليك حوارات ؟

هل هو متطرف او ارهابى؟ لأننا اتعودنا ان التطرف بقة مش فى الرأى ولكن ممكن بشوية تفجيرات ممكن يروح ضحيتها اخويا او اختك او اى حد من اصحابك او اطفال صغيرة؟

حد شاف فيلم دم الغزال ؟ الشاب اللى كان منحرف وكدا وعمل فيها متدين عشان ينتقم من اللى بهدلوه؟

يمكن الخوف دا بسبب وجود قلة حقيقية عندها ايمان ومبادئ مش مجرد شعارات متلونة؟

وعدتكم من فترة بكتاب يساعد على تعلم بايثون بسهولة وفى نفس الوقت بإسلوب خفيف وكل فترة بعد انهاء الفهرس الأصلى كنت بضيف اجزاء جديدة على كل حال الكتاب مقسم لكذا جزئية
االأساسيات بتتكلم عن المفاهيم البرمجية الأساسية ومقدمة عامة عن بايثون واهميتها وبعد كدا انواع البيانات الأساسية فى بايثون زى str, list, tuple, dict ويليها التعامل مع الشروط if/elif/else والتعامل مع ال loops وانشاء الدوال والإجراءات (الجزئية دى للى مش عنده خلفية نهائيا عن البرمجة)
2- جزئية البرمجة الكائنية بتعرض ايه اهمية ال OOP وكيفية التعامل معاها من خلال بايثون والوراثة (فصل الرجل والذئب والمستذئب )وكيف تنشئ وحدات/حزم خاصة بيك وكيف تتعامل مع البرامج الخارجية واستدعاءها
3- جزء دسم جدا فى معالجة البيانات بيتعرض لل IO و os, os.path ثم معالجة ملفات ال ini وملفات
ال csv وبعدها معالجة ملفات ال HTML وال XML من خلال SAX و DOM وبعدها كيفية استخدام HappyMapper للتخلص من الملل فى معالجة ال XML وبعدها جزئية عن التعامل مع SQLite وشرح لل DB API من خلال MySQL (تقدر تطبق الشرح بسهولة على postgres و oracle) ثم التعرض لمفهوم ال ORM من خلال Storm , SQLObject
4- جزئية الشبكات بتشمل انشاء خادم/عميل بسيط وخادم متعدد المهام لمعالجة اكثر من عميل وتطبيق دردشة وفى النهاية تطبيق مشاركة ملفات وتأتى لكيفية التعامل مع FTP من خلال بايثون ويليها انشاء خدمة اقتباس اليوم ثم تعرض سريع ل XML-RPC
5- التعامل مع الواجهات الرسومية: جزئية عن PyGTK وتم تدعيمها بدراسة عن تطبيق القاموس بإستخدام glade واستخدام gladizer كبديل للأدوات مثل Gladex او غيرها وكيفية استخدام Qt-Designer لإنشاء مشروع بسيط ببايثون (ليتكامل مع ترجمة PyQt4 )
6- مقدمة سريعة لأهم اطارات العمل Grok, webpy, TG, Pylons (للتحسين فى الإصدار القادم مع إضافة تطبيقات حقيقية)
7- التكامل مع لغات اخرى جزئية لابأس بها فى التكامل بين بايثون والسى (للتحسين فى الإصدار القادم)

الكتاب حوالى 230 صفحة عدل عنوان الموضوع يا kaspersky0 ومتوفر للتصفح

نسخة PDF ؟ غير متوفرة لحد مالاقى حد يساهم فى تنسيق الكتاب

Being Lazy

Posted: يناير 6, 2009 in General
الوسوم:, , , ,

حاليا بستخدم بايثون لفترة طويلة اول كود كتبته بيها كان من5 سنين وفعلا من افضل الإختيارات هى الإستمرار مع بايثون ولكن مع انى استخدمت الكثير من اللغات لكن فى حاجة ناقصة.. هى Haskell!

Haskell لغة ممتعة جدا ولكن الفرق انها functional تماما بعكس بايثون اللى بتدمج كذا اتجاه

تحذير: منحنى تعلمها زلق بعض الشئ خاصة لو مش عندك خلفية فى ال functional programming او حتى مش جيد فى الرياضيات وفى حاجات كتير هتفاجأك

ابدأ

مقابلة رائعة مع RWH

انهيت كتاب Beginning Algorithms وgosh ياريتنى كنت قريته من زمان

الكتاب اكتر من رائع بيناقش اهم هياكل البيانات والخوارزميات لمشاكل متعددة وunit testing على طول الطريق من خلال Java, JUnit

بإختصار الكتاب دا A MUST READ

بورت لمثال القاموس بروبى

http://programming-fr34ks.net/pfsoft/rgQamoosPort.tar.gz

2008 حصاد

Posted: يناير 3, 2009 in General
الوسوم:

واحدة من انشط السنين فى احداثها بالنسبة لى انتهت ومتحمس جدا للسنة الجديدة

بعض الحاجات اللى حصلت فى 2008

1- نجحت وربنا ستر 🙂

2- فتحت البلوج دا يمكن دا رابع شهر ليه ..تجربة ممتعة جدا بصراحة

3- اعدنا Programming-Fr34ks مع الكثير والكثير من الدروس

4-انضميت لفريق ارابيان

5- انهيت قراءة مجموعة كبيرة جدا من الكتب (كل شوية هبقة انزل review)

6- شرحت كورس C (لهندسة) وكورس مقدمة VB.NET (لإعدادى)

7- انهاء كتابى بايثون (حوالى 240 صفحة!) وروبى (حوالى كدا 300 وشوية)

8- لأول مرة اساهم فى الترجمة بصورة كاملة بإنهاء ترجمة PyQt4 من ZetCode

9- اكتشفت قد ايه انا بحب معالجة البيانات وفى نفس الوقت قد ايه مش بحب تصميم الواجهات

10- زاد اهتمامى جدا بال functional programming الفترة الحالية هيبقة فى مفاجأة عنها قريبا

11- اخدت اغبى قرار بإنى مش ادخل امتحان ال MCAD

12- عملت refractor لأكوادى القديمة

سنة سعيدة 🙂