Pythonified Life

حاجات كتير بعملها فى الأجازة بحاول استغل وقتى لأقصى حد.. فخلصت شوية كتب

Head First PHP & MySQL

الكتاب مش وحش لكن بصراحة مش يستحق كلمة Head First استفدت منه فى بعض الأجزاء ولكن ضايقنى فى جزئيات اكتر زى انه عدى على جزئيات كاملة زى السيكيورتى مرور الكرام غير ان حاجة تانية انقصت فى اسهمه كتير جدا وهى عدم الشرح من منظور ال OOP بحجة ان قد تكون ال procedural programming انسب وتخطى ال Testing كذلك

لو قررت تقراه استفيد من التطبيقات لكن مش تعتمد عليه بنسبة 100%

Head First Rails

الكتاب احسن من سابقه

الكتاب عبارة عن tutorial او ممكن نقول مقدمة فى Rails اتعرض لمفاهيم كتير زى ال MVC فى رايلز (كإستخدام الكنترولرز وتحديد ال routes و انشاء الواجهات واستخدام Erb وانشاء ال Templates وال Layouts وايضا ال Partials واستخدام ال ActiveRecord -الإستخدامات الشائعة- ليه كتاب مخصوص PRO ActiveRecord ) وتطبيقات حقيقة سواء من البداية او باستخدام ال scaffolding وتحسينه واستخدام ال Ajax وفى نفس الوقت عدى حاجات كتير زى ال testing وال deployment

هتستفيد منه لو اول مرة مع Rails او عايز تجرب تنشئ كذا تطبيق على السريع.. غير كدا انصحك انك تقرا Simply Rails 2 او Agile Web Development with Rails

Write Yourself a Scheme in 48 Hours

مع مشوار Haskell والمعاناة فى ال Monads -مش معاناة لحد ماتفهمها – جه الوقت اللى يكون فيه قلبى قلب اسد واقرا الtut دى لإنشاء interpreter ل Scheme ..ايه اللى استفدته منها ؟

1- تثبيت اللى اتعلمته فى Haskell

2- عرفت ايه النقط اللى مش واضحة بالنسبة لى -دا بيساعدنى فى انى اصلحها-

3- استخدام Haskell فى شئ مفيد

4- معرفة Scheme (فى احسن من معرفة لغة انت كتبتها ؟ اعتقد لأ)

BTW, ترجمة PyGTK Tutorial هبدأ فيها ان شاء الله بعد انهاءها فى ZetCode مباشرة

وبس كدا دا اللى عملته فى الكام يوم اللى فاتو.. انت عملت ايه ؟

CodeIgniter بتجذب اهتمام كبير من دور النشر وتم كتابة اكتر من كتاب فيها وليها اكتر من مصدر ودا ملخص لقرائتى فيها

user_guide

الوثائق الرسمية مع صغرها وبساطتها ولكنها افضل شئ ل CodeIgniter بتديلك المعلومة بصورة مركزة

Professional CodeIgniter

كتاب اكتر من ممتاز وبيمشى معاك خطوة بخطوة لإنشاء موقع متكامل مع جزئية خاصة بإدارته

CodeIgniter for Rapid PHP Application Development

كتاب لابأس بيه بيحاول يتكامل مع ال user_guide

Creating a QuickStart Blog with CodeIgniter

بيشرح كيفية انشاء بلوج بإستخدام CodeIgniter

Creating a Microsite Manager with CodeIgniter

لإنشاء مدير لموقع مصغر

NPS ( News Publishing System)

دراسة لكتابة موقع اخبارى للتحميل اضغط هنا

اخر كتابين blog, microsite هيعلموك بعض العادات السيئة البرمجية مع CodeIgniter مع انهم لكاتب Professional CodeIgniter ..يفضل الإطلاع عليهم مع التفكير فى كيفية تحسين الأكواد…

يفضل دائما مراجعة CodeIgniterDirectory