Pythonified Life

وانا بتصفح بعض السورسات فى Mono لقيت SmallXMLParser -وهو مبنى على الأحداث مشابه ل SAX- .. على كل حال قررت اكتب واحد لبايثون (على سبيل التطبيق )

تقدر تطلع عليه من هنا وكيفية الإستخدام فى ملف test.py

الفكرة انك تشتق الصف XMLReader كما فى BooksXMLReader وتعيد تعريف ال callbacks اللى تهمك مثل onStartTag (بيتم استدعاءها عند بداية كل tag) و onCharacters بيتم استدعاءها عند المحتوى و onEndTag عند انهاء tag معين و onComment بيتم استدعاءها عند البدأ فى قراءة comment و onPI عند كل Processing Instruction

فى الدالة testReadingBooks بتنشئ كائن BooksXMLReader وتمرر file object فى ال __init__ لو مش فى ملف فى string تقدر تستدعى الدالة create_stream علي ال string

تستدعى الطريقة start ليتم بدأ المعالجة

تقدر تستفيد من ال Reader بإنك تعمل حاجات كتير زى INI parser او غيرهم!

مش اجهدت الparser مع ملفات اكبر من 2 ميجا (صح ياستورم؟ )

ال APIs مازلت محتاجة refractoring

اى ملاحظات او تعليقات حوله لاتتردد فى مراسلتى.

بمناسبة ال parsing تابع الموضوع Heist مفسر Scheme مكتوب بروبى

كنت مخلص ريبورتات وكانت ناقصة على التسليم فقعدت حوالى ساعة بحاول اعرف  البرنتر وفى الآخر طلعت مش متوصلة بالجهاز اساسا وربنا ستر

وبس كدا اشوفكم قريبا

حاجات كتير بعملها فى الأجازة بحاول استغل وقتى لأقصى حد.. فخلصت شوية كتب

Head First PHP & MySQL

الكتاب مش وحش لكن بصراحة مش يستحق كلمة Head First استفدت منه فى بعض الأجزاء ولكن ضايقنى فى جزئيات اكتر زى انه عدى على جزئيات كاملة زى السيكيورتى مرور الكرام غير ان حاجة تانية انقصت فى اسهمه كتير جدا وهى عدم الشرح من منظور ال OOP بحجة ان قد تكون ال procedural programming انسب وتخطى ال Testing كذلك

لو قررت تقراه استفيد من التطبيقات لكن مش تعتمد عليه بنسبة 100%

Head First Rails

الكتاب احسن من سابقه

الكتاب عبارة عن tutorial او ممكن نقول مقدمة فى Rails اتعرض لمفاهيم كتير زى ال MVC فى رايلز (كإستخدام الكنترولرز وتحديد ال routes و انشاء الواجهات واستخدام Erb وانشاء ال Templates وال Layouts وايضا ال Partials واستخدام ال ActiveRecord -الإستخدامات الشائعة- ليه كتاب مخصوص PRO ActiveRecord ) وتطبيقات حقيقة سواء من البداية او باستخدام ال scaffolding وتحسينه واستخدام ال Ajax وفى نفس الوقت عدى حاجات كتير زى ال testing وال deployment

هتستفيد منه لو اول مرة مع Rails او عايز تجرب تنشئ كذا تطبيق على السريع.. غير كدا انصحك انك تقرا Simply Rails 2 او Agile Web Development with Rails

Write Yourself a Scheme in 48 Hours

مع مشوار Haskell والمعاناة فى ال Monads -مش معاناة لحد ماتفهمها – جه الوقت اللى يكون فيه قلبى قلب اسد واقرا الtut دى لإنشاء interpreter ل Scheme ..ايه اللى استفدته منها ؟

1- تثبيت اللى اتعلمته فى Haskell

2- عرفت ايه النقط اللى مش واضحة بالنسبة لى -دا بيساعدنى فى انى اصلحها-

3- استخدام Haskell فى شئ مفيد

4- معرفة Scheme (فى احسن من معرفة لغة انت كتبتها ؟ اعتقد لأ)

BTW, ترجمة PyGTK Tutorial هبدأ فيها ان شاء الله بعد انهاءها فى ZetCode مباشرة

وبس كدا دا اللى عملته فى الكام يوم اللى فاتو.. انت عملت ايه ؟

كنت اتكلمت عن ال Docathon فى بوست سابق ويعنى كان فى تفاعل كويس -بالنسبة لكمية الناس اللى بتتفاعل اصلا – على كل حال انا انهيت ترجمة جزئية ال Mono WinForms و GTK# ومستضيفها حاليا على PF لحد ماتكون جاهزة تماما عشان تتنقل اما لموقع zetcode او تتظبط فى وثائق اعجوبة

حاليا سمسم فناننا ومبرمجنا هو اللى اكد على ترجمة The Java Swing Tutorial واكيد هتكون ترجمة تحفة.. انا مستنيها على احر من الجمر ومتوقعين اكتر من البقية

اه نسيت اخدت اجازة الترم الحمد لله عشان اتفرغ شوية لهاسكل وماتلاب wish me luck

احمد مصطفى هياخد الأجازة النهاردة وجاب باور سبلاى اخيرا.. ربنا يستر

الأجازة قربت وفى ناس اخدتها بالفعل

فى البوست دا انا هحدد شوية حاجات فى بالى -قابلة للزيادة- لإنجازها
بالفعل حاليا انتهى كذا عمل زى ترجمة دروس PyQt4 وترجمة Qt و MySQL C API

من ZetCode
1- ترجمة Mono WinForms Tutorial
2- ترجمة Gtk# Tutorial
3- ترجمة wxPython Tutorial (بدأت اتساءل عن اهميتها حاليا او تكثيف المصادر عن Python/Qt ؟)
4- ترجمة The Java Swing Tutorial
5- ترجمة The GTK+ Tutorial ؟

طبعا هيكون جميل جدا اننا نخلص كل القائمة ولكن بردو لو خلصنا المعظم هيكون كويس
لو حد عايز يضيف حاجة او لو حد هيساهم فى ال Docathon ودا الأهم يكتب بوست

يعنى ايه Docathon بقة ؟
مسابقة محدد بوقت معين لأنهاء توثيقات معينة هنا الترجمة مثلا وليكن على مدار 20 يوم والفرق انها مش فيها حد خسران *_*

ايه اللى هتكسبه من مشاركتك ؟
هتكسب كذا حاجة منها انك عمرك ماهتعرف تترجم وتوصل معلومة انت مش فاهمها فدا هيفيدك من ناحية الفايدة العلمية + الموضوع ممتع جدا دا غير انك هتكسب ثواب

*غيرت الثيم ل The Journalist حاسس انه بسيط ومريح للعين بمناسبة التفاؤل بقرب انتهاء الإمتحانات

*تابع سلسلة البرمجة بإستخدام PyQt للمبتدأين على ArabicFOSS

الإنسان بطبيعته بينقاد ورا الواجهة الكويسة او اللى يتخيل انها كويسة فشعار الدين شعار براق جدا بيجذب حواليه الكثير والكثير من الناس

فى فوبيا من المتدينين لكذا سبب

عدم الثقة فى نيته هو ليه مربى دقنة ؟ هل هو فعلا انسان كويس وملتزم ولا زى غيره ؟_فى كتير بياخدو الدين كستار لنواياهم مثلا شهوة الشهرة او السلطة على مجموعة من الناس او حتى عايز يكسب احترام الناس بشوية ايمان بيعملهم؟_ على الأقل الكافر او الملحد اللى قدامك انت عارف انه رايح شمال رايح شمال لكن مش بيشتغلك ولابيعمل عليك حوارات ؟

هل هو متطرف او ارهابى؟ لأننا اتعودنا ان التطرف بقة مش فى الرأى ولكن ممكن بشوية تفجيرات ممكن يروح ضحيتها اخويا او اختك او اى حد من اصحابك او اطفال صغيرة؟

حد شاف فيلم دم الغزال ؟ الشاب اللى كان منحرف وكدا وعمل فيها متدين عشان ينتقم من اللى بهدلوه؟

يمكن الخوف دا بسبب وجود قلة حقيقية عندها ايمان ومبادئ مش مجرد شعارات متلونة؟