Posts Tagged ‘docathon’
مشاريع قادمة
الصيف دخل والأجازة قربت ومعاها مشاريع الصيف وطبعا مطلوب مساهمين
1- الترجمة وهتشمل التالى
ترجمة دليل CodeIgniter هنبدأ من الصفر تانى بسبب ان اللى كان عندى على الهارد اصبح فى طى النسيان (حلوة دى صح ؟)
ال Docathon القادم مابين يوم 20-6 الى 1-7 والمواد الداخلة فيه، من ZetCode هيكون معانا
دروس Java-Gnome
دروس Cairo
دروس wxWidgets
دروس wxPython
دروس Swing
الإستضافة مش مشكلة سواء المشاركين معاهم مساحة او على pf مش مشكلة
2- المشاريع البرمجية
sqlitemyadmin (بايثون) وربما استخدام php/codeigniter
تحسينات ل gladizer ودعم” gtkbuilder و java-gnome و c “و happymapper
blog ب codeigniter
عمل data-aware controls ل python/gtk او wxpython
3-الدروس القادمة
1- دروس SQLAlchemy
2- دروس Django للمبتدأين هتشمل عدة مشاريع (زى pastebin, tinyurl, molahza.com )
حد عنده اضافات تانى لمشاريع عايز فيها مساهمين ؟
بالمناسبة يعود احمد مصطفى للتدوين مجددا فنصيحة لأى حد عايز يشد فى C/GTK انه يتابع البلوج بتاعه و طبعا PF
Monad me!
الحمد لله خلصنا ال Docathon وبشكر كل اللى ساهم فى توفير مجموعة ممتازة من الدروس
Mono C# WinForms
GTK# Tutorial
GTK+ Tutorial
Mono IronPython WinForms Tutorial
PyGTK Tutorial
الحمد لله مش استسلمت مع Haskell بس ليه Haskell او ال Functional Programming بصورة عامة صعبة ؟
الصعب انك تبعد كل حاجة عرفتها قبل ماتبدأ فى Haskell
ال Functional Programming تجربة فريدة ومش صعبة لكن النقطة انها مختلفة عن الأساليب اللى برمجت بيها قبل كدا فمش سهل انك تربط مع التجارب السابقة. مثلا انت اتعلمت لغة زى بايثون بكل سهولة و اشتغلت بيها مدة كافية وجيت تتعلم لغة تانية فسهل لأن معظم المفاهيم واحدة وكل اللى عليك التركيز فى إنك ازاى تعمل كذا فى اللغة التانية بنفس طريقة تفكيرك فى بايثون.
لكن مع ال Functional Programming بتكون كأنك بتتعلم بايثون من اول وجديد!
من المصاعب اللى بتواجه القادمين ل Haskell هو فهم ال Monads .. كم الدروس حولها يوضحلك قد ايه ال Monads مهمة وفى نفس الوقت محتاجة اهتمام. ايه الصعب فى ال Monads ؟ الصعب فيها فى انك تفهم انها سهلة!-شوفت بسيطة ازاى؟ 
– افضل شرح قريته Understanding Haskell Monads وحااليا انا شغال فى Real World Haskell
صحيح نزلت دروس جديدة فى موقع symfony بإسم Jobeet بعد سابقتهاAskeet
وكودإجنيتر نزلت 1.7.1 راجع الخبر
ولنا لقاء قادم…
Sleepless
كنت اتكلمت عن ال Docathon فى بوست سابق ويعنى كان فى تفاعل كويس -بالنسبة لكمية الناس اللى بتتفاعل اصلا 
– على كل حال انا انهيت ترجمة جزئية ال Mono WinForms و GTK# ومستضيفها حاليا على PF لحد ماتكون جاهزة تماما عشان تتنقل اما لموقع zetcode او تتظبط فى وثائق اعجوبة
حاليا سمسم فناننا ومبرمجنا هو اللى اكد على ترجمة The Java Swing Tutorial واكيد هتكون ترجمة تحفة.. انا مستنيها على احر من الجمر ومتوقعين اكتر من البقية
اه نسيت اخدت اجازة الترم الحمد لله عشان اتفرغ شوية لهاسكل وماتلاب wish me luck
احمد مصطفى هياخد الأجازة النهاردة وجاب باور سبلاى اخيرا.. ربنا يستر
Docathon
الأجازة قربت وفى ناس اخدتها بالفعل
فى البوست دا انا هحدد شوية حاجات فى بالى -قابلة للزيادة- لإنجازها
بالفعل حاليا انتهى كذا عمل زى ترجمة دروس PyQt4 وترجمة Qt و MySQL C API
من ZetCode
1- ترجمة Mono WinForms Tutorial
2- ترجمة Gtk# Tutorial
3- ترجمة wxPython Tutorial (بدأت اتساءل عن اهميتها حاليا او تكثيف المصادر عن Python/Qt ؟)
4- ترجمة The Java Swing Tutorial
5- ترجمة The GTK+ Tutorial ؟
طبعا هيكون جميل جدا اننا نخلص كل القائمة ولكن بردو لو خلصنا المعظم هيكون كويس
لو حد عايز يضيف حاجة او لو حد هيساهم فى ال Docathon ودا الأهم يكتب بوست
يعنى ايه Docathon بقة ؟
مسابقة محدد بوقت معين لأنهاء توثيقات معينة هنا الترجمة مثلا وليكن على مدار 20 يوم والفرق انها مش فيها حد خسران *_*
ايه اللى هتكسبه من مشاركتك ؟
هتكسب كذا حاجة منها انك عمرك ماهتعرف تترجم وتوصل معلومة انت مش فاهمها فدا هيفيدك من ناحية الفايدة العلمية + الموضوع ممتع جدا دا غير انك هتكسب ثواب
*غيرت الثيم ل The Journalist حاسس انه بسيط ومريح للعين بمناسبة التفاؤل بقرب انتهاء الإمتحانات
*تابع سلسلة البرمجة بإستخدام PyQt للمبتدأين على ArabicFOSS
يوم حافل
امبارح افتكرت طلبات الناس فى ترجمة الtutorial الخاصة بPyQt4 تبع موقع zetcode
فشبه انهيت ترجمتها كاملة ماعدا بعض الأجزاء بأول فصل (هدية العيد مع ان لسه ناقص 10 ايام ممكن يبقة فى هدايا كمان 
)
تقدر تطلع على الترجمة من هنا
عملت بعض التحسينات على gladizer عشان تسهيل كتابة ال plugins للغات الstatic زى جافا، سى شارب، .. الخ
وتم انهاء gladizerGUI واستغليت الفرصة فى انى اعمله بtKinter لأن خلفيتى فيها متواضعة بعض الشئ
