Egypt: Kickass Revolution
p { margin-bottom: 0.08in; }
السلام عليكم
ازيكم ازيكم ؟ احنا هنا كويسين وشامين ريحة الحرية (بجد إدماااان) عقبال بلادكم :d
مش هصدع دماغكم بقلة ادب النظام المخلوع وإبن الرئيس المخلوع ولا ببلطجيتهم وحراميتهم ولا طبعا بحرق مقرات الحزب الوثني -وأي منافق من اذنابه مش عاجبه يخبط دماغه في الحيط حزب الطبال والرقاص والبلطجية :d-
خلصنا من القصة دي دول هيترموا في مزبلة التاريخ وأي حد دافع عنهم في يوم وشهداء 25 يناير كتبوا تاريخ مصر بالدم وحرروها بكل سلمية وحضارة 
اللي يفقع بجد الي يقول مسيرة تكريم للرئيس المخلوع … ؟
عمل ايه الرئيس المخلوع لمصر ؟ ركب طيارة وحارب ؟ مافي غيره الاف حاربوا ويطلع في الخطاب يتعالى على الشعب ويمن عليه!!!! خطاب اقل كلمة تتقال عنه انه مستفز وكلامه اهبل كل الهبل
هامش
اهبل كل الهبل جاية من صاحب الخطاب اللي كاتب
العدل كل العدل والألم كل الألم والحزن كل الحزن والهبل كل الهبل والبطيخ كل البطيخ
قعد 30 سنة … مش مطلوب منه انه يعمل حاجة في البلد دي يعني ؟ ليه هي عزبة ابوه .. رئيس الجمهورية دا موظف عند الشعب بيخدمه وبياخد مرتبه منه ولما يغلط ويسرق ولا يسيب بلطجية يقتلوا الناس ويروعوهم يتعمله محاكمة زيه زي اي مجرم!!!!!
في شوية ناس حبو يشوفوا عذر -بس عذر اقبح من ذنب- قالوا كل اللي حصل دا كان من وراه وكانوا مغيبينه يبقة مسك الحكم ليه طالما هو بيضحك عليه وابنه وقلاديشه اللي بيحكموا البلد؟؟؟؟
بس في كل حال هما احرار طبعا عايزين ينزلوا ينزلوا بس طبعا من غير جمال وحصنة :d
دلوقتي اتولع في مجلس الشعب والشورى … يستحسن بقى ان تتقيد ميزات النواب بحيث ان اللي عايز يدخل المجلس يطلع منه مصلحة ينسى :d
وعايزين الأزهر يستقل تماما ويكون شيخ الأزهر بالإنتخاب عشان يرجع لدوره الأصلي
يجي يقلك المظاهرات فتنة وحرام وبتاع وقشطا ودا رأي احترمه بالمناسبة لكن بعد مالدنيا خلصت يجي ينزل في مظاهرات ويجيب كام واحدة منقبة وراه ويهتف اسلامية اسلامية ولا المادة 2 تتعدل على جثتي ؟؟؟؟
على اساس ان بعد مالدنيا خلصت عايز يعمل فيها بطل قومي يعني ولابيشتغل نفسه ان الأغلبية الإسلامية في مصر عايزة تلغي المادة 2 !!!؟ ولو الأغلبية عايزين يشيلوا المادة دي اصلا يبقى مزاجهم وحريتهم ROFL!!!!!
نيجي بقى للواد المجنون بتاع ليبيا
دا بقى حكايته حكاية المفروض يطلع في شو كوميدي
رئاسة ايه وبلد ايه اللي بيحكمها صاحب الكتاب البمبي وهينزل مظاهرات معارضة ويلغي يوم الجمعة وبتاع داهمو كراسي lol بجد الراجل دا نكتة سخيفة
اليمن مش قادر احدد موقف هناك بجد لأن الشعب كله متسلح وهتكون مجزرة -الله يحفظ اليمن-
البحرين بقى دي خدعة مع احترامي لأي حد
اي شيعي ولائه لحاخامات قم … فتهور اهل السنة بدعم المؤامرة الإيرانية في البحرين خطر كبير على المسلمين
الجزائر: مش هقول غير اسف لأهل الجزائر والله ينصركم ويحققلكم الخير
تحية كبيرة لأهل تونس الخضراء
تعيش مصر حرة
مصري
فبراير 17, 2011 في 10:11 م
طبيعتك وعمرك ماهتغيرها بتعشق الغلط في العلماء وأنت متساويش حاجة جمبهم
سلفي غصب عنك
فبراير 18, 2011 في 3:12 م
فاكر يوم الجزائر ؟
شكلها صفحة جديدة ^_^
بإذن اللّه هتكون في كل بلاد المسلمين والله ينصر المسلمين في اليمن والجزائر وليبيا والبحرين وفلسطين وسائر البلاد
واحد من الناس
فبراير 18, 2011 في 4:31 م
ثورة شعبية لاإسلاميه ولامسيحيه
متفق معاك في الباقي ماعدا حق الشعب البحريني في الحرية… خايف تكتب رأيك في موضوع الدولة العلمانية
؟
مشكك
فبراير 19, 2011 في 10:30 م
“اي شيعي ولائه لحاخامات قم … فتهور اهل السنة بدعم المؤامرة الإيرانية في البحرين خطر كبير على المسلمين”
What The Fuck ?
anonymous
فبراير 21, 2011 في 7:23 ص
البحرين بقى دي خدعة مع احترامي لأي حد
——
Oh really?
void
مارس 18, 2011 في 6:53 م